2017年12月16日 星期六

雞匠 - Le Creuset是賣點


食物:$$$1/2
環境:$$$1/2
服務:$$$$

尖沙咀金巴利道,有間叫雞匠的食肆,既是吃串燒,又馳名海南雞,我答應了跟舊同事雞王前來一吃。

小店在金巴利道尾,但公開飲食網站註明是柯士甸路15號地下A號舖,若你跟著地址找,又會瀨嘢。

其實,正,就在金巴利道尾的7-11對面。
    


小店一間,沒太多裝修,晚上吃串燒為主,中午就是海南雞等碟頭飯。



不過,呢個碟頭飯唔嘢少,因為大部份餐具都是不惜工本,採用法國名牌Le Creuset,企打造住家風味。以名牌碗子盛起附有櫻花蝦在內的雞湯,感覺寧舍美味,唔知係咪心理作用,哈哈~



海南雞飯是必然正選,另還點了一客咖喱牛腩飯,大家分享。海南雞給予髀位,唔怕甩皮甩骨,吃起來皮爽口有彈性,肉質嫩滑,醬汁不是行貨,的確幾好。唯油飯尚未夠香,是可改善的地方。



咖喱牛腩的辣度是我可以接受,但香料層次稱唔上十分豐富,只是合格的咖喱。不過,牛腩唔錯,有肥有瘦,瘦的亦沒有太韌,吃咖喱最重要還是薯仔,粉嫩可口。




飲完杯凍檸檬,又要上路~

餐廳資料:
雞匠

4 則留言: