2017年10月22日 星期日

Mad for Garlic - 你重口味嗎?


食物:$$$1/2
環境:$$$$
服務:$$$1/2

重口味如我,一直好想試試以蒜頭為主打的Mad for Garlic加上朋友對這品牌讚不絕口,所以當又一城分店剛開業,我即時要找幾位臭味相投的朋友去擦餐飽。

還沒到繁忙時,當商場內大部份食肆仍可直行直入,這家新店已經開始排隊,是香港人從來貪新鮮,還是大家都熱愛蒜頭呢?哈哈哈~
     


先懶健食些沙律,呢份沙律,除了蔬菜、煙肉、提子乾外,頂頭更鋪滿炸蒜,貫徹主題,我中意。



想不到韓式餐廳都有芝士火鍋,這份火鍋肯定唔係芝士與麵包粒咁簡單,仲有提子粒、蕃茄粒,以及重點之蒜頭,真想不到蒜粒與芝士是如此合襯,難得。



蒜蓉麵包塔是這裡的名物,唔可以走漏。長身之法包豈起,頂頭是澎湃之蒜泥,吃前店員會將蒜泥起勢地塞進法包內,成為與別不同的蒜蓉包,好睇、有諗頭,也好吃。



點了兩款意粉,分別是香草白蒜素炒意粉,以及蒜香忌廉汁蟹肉及龍蝦肉意粉。前者朋友稱佢為大人意粉,因為頗重的香草味,小孩子可能未懂欣賞。後者我會說它是矜貴版本Carbonara



再來的火腿芝士卷香蒜蘋果薄餅,有別於傳統的意式薄餅,因餅底雖是薄,卻是軟身而不脆,吃時將之捲起包裹各式材料,又是另一番滋味。



邪惡的豬腩肉是我要求吃的,甘香鬆化,以牛油餡角包住食,連同韓式風味的秘制醬汁,最重要當然還有蒜粒,一同的吃,水準比我想像中出色。



甜品也多個薄餅,係蒜香香蕉朱古力醬薄餅,面頭加一大球巨型的雲尼拿雪糕。聽到後,大家有冇媽呀!我好亂既感覺呢?這個餅底就是香脆,香蕉與朱古力醬的組合其實從來討好,蒜頭經糖漬過,絕對沒有違和感。當然,自家制雪糕有助加分。




飲埋杯果茶,大致滿意,但菜色再重口味一點,我都可接受到,甚至更喜歡。


餐廳資料:
Mad for Garlic

5 則留言: