2014年2月8日 星期六

馬不停蹄入東涌



呢頭吃過團年飯,怎樣轉瞬間就到了假期的最後一天,實在難以置信,是令人難以接受的殘酷現實。

 
細B好害羞

把握最後機會,跟一眾食友去到好友Oli家中,吃開年兼生日飯。當日節目十分豐富,既有羽毛球及網球,只是我身體有點抱恙,沒有落場,只留在她家與大細B玩樂。
 
好叻叻

想同貓貓做好朋友

當然,還有甜魔媽媽Yan的兩位可愛小寶貝。Matthew已經大個仔,而且十分活潑,很想同大B做朋友仔,只不過Matthew仔實在太熱情,又或者大B仲仍然記得兩年前被Matthew嚇親,即時雞飛狗走。另一邊廂的Chloe就已經識自己坐,好叻叻!
 
麻醬太少
大家打完波,梳洗過後,便皇樓下的金滬庭開餐 (東涌真係無咩野食)。大家想食咩自己劃,搞搞下搞出廿幾個餸,仲有飯麵甜品,每樣食一啖都可以好飽。由於新年期間,食物光速咁上桌,都無分話冷盤熱菜,我也只盡量紀錄。雞絲粉皮,尚算滑,但麻醬不太充足。
 
睇樣都知唔得

唔錯

四喜麫夫,大大件的,看色水都知唔多妥,吃起來的確太挺身,唔得入味。脆鱔相對好一些,至少是脆卜卜,甜甜的味道幾醒胃。
 
咸多於辣
有辣人在場,冷盤熱菜都總有幾款是辣的,口水雞是其一。然而,先不論雞肉本身質素,味道卻是十分咸,是豆瓣醬的問題,我無法再吃第二件。就是愛辣的朋友,也沒有多碰。
 
唔對路
熱菜方面,生炒骨是Oli的至愛,可惜今次的生炒骨以及糖醋骨,不論賣相和味道,均很是馬虎。我本身喜歡吃松子魚,貪佢香脆又酸甜醒胃。不過,是晚的魚火侯欠佳,即使黑醋亦不能令我胃口大開。
 
新年要食雞?!
開年飯,要有原隻雞,果然很傳統的想法。現今吃雞,特別是節日在連鎖店嚐的,雞冇雞味是預期之中,大家也不會因此而覺得太失望。
 
又令辣人失望
又到麻辣時間,先有辣子雞,大大件的雞件,賣相已經扣晒分,而且味道同樣是只得個咸字,沒一點的辣勁。水煮魚是嗅不到麻香,相信好極有個譜,所以抱病的我也沒有再嚐。
 
比坊間的大隻

還可

還有一大堆的上海點心,譬如是小籠包,比平常吃到的大隻,皮尚且薄,但肉餡又是過份的多,亦不夠鮮,湯汁甚少,很普通。生煎包又是大件版本,可惜底部煎得不脆,還好味道可以接受。最對辦的,應該要數到鍋貼了。
 
軟糯
大時大節咁旺場,甜品方面,店家也不願做麻煩的煎八寶飯,唯有改要豆沙鍋餅、雷沙湯丸和酒釀湯丸,前者算合格,起碼夠熱,皮脆餡香。雷沙湯丸熱度同是對勁,而且口感軟糯,收貨。
 
豐衣足食

吃過豐盛的開年兼生日飯,祈求大家新一年事事如意,身體健康!

8 則留言:

  1. 希望你馬年龍馬精神、身體健康、食得開懷!

    回覆刪除
    回覆
    1. 多謝你! 你都要身體健康, 事事順心 :)

      刪除
  2. 辛苦你了,唔舒服都要你過黎
    btw,你影得佢地兩兄弟好靚仔

    回覆刪除
  3. 呢頭吃過團年飯,怎樣轉瞬間就到了假期的最後一天,實在難以置信,是令人難以接受的殘酷現實 --> 我到依家都接受唔到, 而且之後成個2月無假期!! > <

    回覆刪除