2017年10月23日 星期一

Fringe Club Colette's - 給自己一個讚!


食物:$$$
環境:$$$1/2
服務:$$$1/2

與久未露面朋友食Lunch,仲打算揀間正既餐廳,點知一時失策,忘了他初一十五要吃素。咁咁典算呀?

不如放佢飛機啦,我曾經有一下子這樣的衝動。不過,最後還是良心發現,決定應約。

最多之後去咬雞髀,加兩串辣魚蛋,整多罐可樂獎勵下自己。

用餐地點交俾佢話事,我已無所謂。佢提議去藝穗會二樓的Colette’s,我才知道原來有呢個咁既地方。

從下亞厘筆道入,拾級而上,會發現一個小地天,是素食自助餐。
    

2017年10月22日 星期日

Mad for Garlic - 你重口味嗎?


食物:$$$1/2
環境:$$$$
服務:$$$1/2

重口味如我,一直好想試試以蒜頭為主打的Mad for Garlic加上朋友對這品牌讚不絕口,所以當又一城分店剛開業,我即時要找幾位臭味相投的朋友去擦餐飽。

還沒到繁忙時,當商場內大部份食肆仍可直行直入,這家新店已經開始排隊,是香港人從來貪新鮮,還是大家都熱愛蒜頭呢?哈哈哈~
     

2017年10月21日 星期六

道頓堀御好燒專門店 - 見識過~


食物:$$$
環境:$$$$
服務:$$$1/2

K11紅到發紫的道頓堀御好燒專門店,最近在荃灣廣場開了分店,我都要扮緊貼潮流,去見識下。

中午時份,沒太多人,不單可以直行直入,仲可以揀位,但限時九十分鐘。

其實我唔明白,又唔係排緊長龍,又唔係任點任食,為什麼要限時限刻呢?Any肥,我遵守佢既遊戲規則。
    

2017年10月20日 星期五

Simplylife Bakery Cafe - 盡快恢復元氣吧!


食物:$$$1/2
環境:$$$1/2
服務:$$$1/2

Simply Life食嘢,請有排隊的心理準備,間間都要,又一城店都唔會例外。好彩我們近三點才到埗,等候約十五分鐘便可入座。

等候期間已經睇定餐牌,坐低馬上可以點餐,下午三點幾才吃Lunch既我哋,肚子實在餓了。

我想講,Simply Life既枱真係好細,兩個人只點一份下午茶加多件蛋糕,已經無位放。唔明佢點坐四個人。
    

2017年10月19日 星期四

海外篇:Sra Bua by Kiin Kiin - 有諗頭


食物:$$$$
環境:$$$$
服務:$$$$

是的,根據筆者既習慣,去到曼谷,即使行程再緊湊也好,一餐Fine Dining是必要的。

基本上,整個行程都無咩點計劃,行到邊食到邊,不過Fine Dining既呢餐,就做了些少功課,始終要預先訂座嘛。

高級餐廳,曼谷當然大把選擇,享負盛名的NahmGaggan早在考慮之列,也曾研究過Bo LanBunker,不過最終還是挑了這裡。

點解會揀呢間?隨心而已,我識條鐵咩!

環境真的好,而原來Sra Bua既泰文是蓮花的意思,所以餐廳內設有蓮花池來切合主題。